Tirana e ka mbyllur në avantazh 1-0 pjesën e parë përballë Dinamos në ndeshjen e vlefshme për javën e 8 të Superiores.
Gjatë minutave të para skuadrat u treguan të kujdesshme, të cilat nuk lejuan hapësira për sulmuesit me aksionet që thyhen pranë zonës.
Kërcënimi i parë erdhi në minutën e 12-të. Kundërsulm thuajse perfekt i Tiranës me Xhixhën, ai pason për Seferin i cili gjuan nga e majta, por gjen Bakajn e vëmendshëm i cili çon topin në këndore.
Iniciativa mbetet e Tiranës, teksa në minutën e 17-të Najdovski gjuan nga distanca, pa gjetur katërkëndorin.
Dinamo provon të përgjigjet me Vesel Limajn i cili provon të surprizojë Bakajn me një gjuajtje nga 30 metra, por portieri i bluve grushton topin në këndore.
Ndërkohë vetëm disa minuta më vonë, Tirana shënon golin e avantazhit. Bardheblutë kalojnë në avantazh pas një aksioni vetjak të Seferit që bëri gjithçka vet duke detyruar Sidiben të shkaktojë autogol.
