Të shtëna me armë zjarri janë raportuar rreth mesnatës në kryeqytetit në zonën e Yzberishtit. Nuk raportohet për persona të lënduar. Policia njofton se janë arrestuar disa persona.
“Specialistët për Hetimin e Krimit në Komisariatin e Policisë Nr.6 bënë arrestimin në flagrancë për veprat penale ‘Armëmbajtja pa leje’, Prishja e rendit dhe qetësisë publike’ dhe ‘Moskallzim i krimit’ e kryer në bashkëpunim të shtetasve I(Z). A, 50 vjeç, Y. H, 45 vjeç, A. Sh, 31 vjeç, E. D, 18 vjeç, M. D, 21 vjeç dhe J. K, 25 vjeç”, njoftoi policia.
“Arrestimi i tyre u bë pasi rreth orës 23:30, të datës 05.11.2021, ka ardhur një telefonatë në sallën operative që në Yzberisht, ka të shtëna me armë zjarri. Shërbimet e Policisë menjëherë kanë vlerësuar informacion dhe sapo kanë mbërritur në vendngjarje kanë konstatuar shtetasit e lartpërmendur duke u larguar me vrap sapo kanë parë ardhjen e policisë. Gjithashtu, gjatë tentativës për t’u larguar kanë hedhur një armë zjarri e dyshuar pistoletë, e cila dyshohet se i përket shtetasit I(Z),A. Nën drejtimin e Prokurorisë punohet për dokumentimin e plotë të ngjarjes”, shtuan të njëjtat burime.
