Katër javë pa fitore ne Serinë A dhe 15 pikë larg kreut do të ishin shumë pa Juventusin. Bardhezinjtë pas ecurisë së shkëlqyer në Champions League nisin marshimin edhe në Serinë A teksa arritën të mposhtnin me shumë vështirësi Fiorentinën në “Allianz Stadium”.
Për Allegrin është nje fitore që i jep frymëmarrje në kampionat dhe qetësi për ndeshjet e ardhahme por per të arritur te 3 pikët, bardhezinjtë vuajtën shumë për të fituar 1-0 me rivalët vjollcë.
As Dybala e as Morata nuk zgjidhën problemet në sulm për “Zonjën e Vjetër” teksa heroi i ndeshjes ishte Cuadrado i cili me një aksion invididual nga e djathta arrin të thyejë vjollcët në minutën e 92’.
