Në çdo takim që zhvillohet në kuadrin e “Open Balkan” mes Presidentit serb Aleksandër Vuçiç, Kryeministrit Edi Rama dhe përfaqësuesve të Maqedonisë së Veriut, ku deri dje ishte Zoran Zaev, shfaqet edhe Alex Soros, djali i manjatit George Soros.
Ndoshta kjo është arsyeja sepse nisma që nisi me emrin shengeni-Ballkanik dhe gjatë rrugës u pagëzua si “Ballkani i Hapur” cilësohet si një nismë që u frymëzua dhe mbështetet nga Soros.
Edhe në Beograd nuk kishte si të mos ishte i pranishëm Alex Soros, përballë të cilit qëndrojnë si ushtarë, Rama, Vuçiç dhe zv.Kryeministri maqedonas, Dimitrov.
Nuk dihet ende roli i Alex Soros në takimet e Open Balkan, por siç shihet edhe në foto, liderët e 3 vendeve të Ballkanit Perëndimor, janë “rreshtuar” para tij gjatë takimit që kanë pasur me të në Beograd.
Pikërisht këtë foto ka ironizuar deputeti demokrat Edi Paloka, i cili përmes një komenti në rrjetet sociale shprehet “gatitu përpara Sorosit të vogël !Nuk ka asgjë që Aleksi t’ju kërkoj ketyre “buzëtrashëve” të Ballkanit që ata të mos e japin për pushtetin e tyre !”.
