Daja i 6-vjeçares së dhunuar nga babai në Kamëz ka qenë sot në emisionin “Me zemër të hapur” në News24, ku ka rrëfyer të tjera detaje tronditëse për motrën e tij dhe mbesën.
Ai foli për dhunë të vazhdueshme ndaj motrës, për të cilën tha se kishte pasur dy aborte para se të lindte vajzën teksa bëri një akuzë të rëndë ndaj kunatit duke thënë se e donte mbesën për transplant organesh.
“Në 2014 motra ka dështuar. Unë nuk e dija që isha shtatzënë sepse kisha gruan sëmurë dhe më pas vdiq. Kishte dështuar dhe më përpara, sepse ishte qëllimi që të mos lindte fëmijë që ta trafikonin.
Unë i bëj thirrje të gjithë shtetit që të vihet në lëvizje dhe të dënohet akti. Dyshimet e mia janë për transplant për vajzën e motrës sime dhe motra ime është nën presionin e familjes së tij dhe bashkëpunëtorët të dalin para drejtësisë.
Jam i mendimit se e donin për transplant. I bëj thirrje shtetit që të vihen në lëvizje e të vihen para përgjegjësisë. Të shpëtohet mbesa”, apeloi daja i 6-vjeçares.
Ai tha më tej se mbesa i kishte treguar diçka në telefon, në një bisedë në muajin gusht.
“Unë mora motrën në telefon e pyes si je, më thotë mirë diçka. I them a ke punuar, po tha tek puna. E pyeta si është vajza, ma kalo vajzën. Vura veten me dyshim me fjalët që më tha. Do më rrahin mua, ke ikur larg. Kam frikë se do më vdesin mamin.
Në muajin gusht kjo telefonatë. Kam pas 100 halle. Nuk kam folur më me vajzën. Kam ardhur në fund të shtatorit në Shqipëri. Nuk kishim asnjë informacion për motrën time. Vajza na vuri në dyshime, ishte e mërzitur, vetëm qante. Vij në shtator, motra s’ma hapte telefonin kur isha në Francë. Kur erdha këtu telefoni më dilte i bllokuar”, tha daja.
