Ish-kryeministri Sali Berisha deklaroi këtë te Premte nga “Foltorja e Lushnjes” se vetingu u kthye në gjueti shtrigash. Berisha paralajmëroi se PD do të votojë nismën e PS-së për zgajtjen e vetingut të KPK-së dhe akuzoi se për këtë ka një marrëveshje Rama-Basha.
“Vetingu u përdor për gjueti shtrigash, për të nxjerrë në krye të drejtësisë vëllezërit e ministrave. E përdorën për të nxjerrë ish-ministra në krye të drejtësisë, e përdorën me tre standarde vetingun. Kushtetuta thotë se vettingu duhet të bëhet publik, e atyre nuk iu publikohet, sepse janë mëkatarë, por meritojnë të jenë në burg. Ne nuk gëzojmë të drejtën e një procesi të vetingut që të jetë i drejtë. Kanë vendosur njerëz të tyre në krye të institucioneve më të rëndësishme, iu besohen dosjet të rinjve të FREESH-it”, tha Berisha.
“Tani kryetari i marrë peng kërkon të maskojë, sepse atë e urdhërojnë, votimin që do bëjë për Palomën, për këta që katandisën sistemin e shëndetësisë në gjendjen më dramatike dhe të votojnë ta zgjasin dhe njëherë mandatin e Palomës. E maskon këtë me ligjin për vetingun e politkanëve”, u shpreh Berisha.
“Kam qenë, jam e do jem për vettingun e politikanëve, por po paraqitet ligj që nuk bën”, u shtoi ai.
