Nga Lushnja ku ka mbajtur “Foltoren” e radhës, ish-kryeministri Sali Berisha tha se në të ardhmen, Partia Demokratike do ti zgjedhë deputetët, drejtuesit dhe këshilltarët e bashkisë nga votat e antarësisë.
“Një nga qëllimet madhore të kësaj foltoreje është ndryshimi i statutit në Kuvend që do tu japin përgjigje përfundimtare shqetësimeve tuaja të drejta. Sot PD-ja është në një situatë dramatike. Kryetarët janë të komanduar. Një ditë shkarkoi kryetarin e PD-së së Fierit të zgjedhur nga fierakët dhe donte të vinte një nga Mallakastra sepse z. Baçi mbështeti Foltoren”, tha Berisha.
“Prandaj ju garantoj se kryetarët do të zgjidhni nga vota juaj në primare. Vota juaj nuk do të vihet në dyshim. Kurrë ndonjëherë nuk kemi manipuluar vota. Vota do të shtrihet te të gjithë anëtarët e partisë, ku do të zgjidhen drejtuesit, këshilltarët e bashkisë dhe deputetët”, shtoi ai.
