Ish-banorja e “Big Brother VIP”, Sheila Haxhiraj, e ftuar në “Pardon My French”, tregoi që u ndje pak keq që nuk u surprizua nga asnjë i afërm gjatë qëndrimit të saj në shtëpi.
“Më vjen keq që nuk pata surprizë brenda shtëpisë së “Big Brother”. Doja të më vinte gjyshja që e kisha parë para dy ditësh në ëndërr. Nuk ka qenë edhe mirë me shëndet.”- tha Sheila.
Sheila ka qenë ndër të vetmet banore që nuk ka rrëfyer shumë rreth vetes së saj.
“Për aq sa qëndrova, aq munda të tregoj. Për të treguar një histori tënden duhet dikush që ti besosh shumë. Tregova pak një historinë time te Kledi. Nuk ka njeri që nuk ka probleme, nuk doja t’i ngarkoja njerëzit me probleme. Nuk kisha pse i thoja aty, sepse të gjithë kanë probleme.
Kam kaluar një fazë depresioni me veten time. Kanë ndikuar problemet me familjen, synimet e paarrira në karrierë nga mosmbështetja, humbjet. I thashë vetes çdo gjë do kalojë, ka anën e saj të mirë, duhet të mendoj pozitivisht, po punoj me veten.”- tha Sheila.
