“Ndërhyrje brutale” e ka konsideruar Arjan Curri, mënyrën sesi përfaqësues të SHBA sillen në Shqipëri.
I ftuar në emisionin “Të Paekspozuarit” në MCN TV, Curri tha se një pjesë e shqiptarëve tashmë nuk e pranojnë më këtë lloj ndërhyrje dhe po reagojnë, përfshirë ata që i janë bashkuar Sali Berishës në Foltore.
“Mungesa e stilit me të cilën ndërhyn Amerika, këtë gjë nuk e pranojnë më njerëzit. Ka ardhur koha që nuk jemi më kaq të paparë dhe pabuksa, nuk e shohin Amerikën si shpëtimin, shohin edhe Europën apo Gjermaninë, nuk aplikojnë më vetëm për llogarinë Amerikane.
Të vish me këtë lloj brutaliteti, t’i thuash një partie politike, hiqni Berishën, ose do hani bar, qoftë edhe 10% e kësaj partie do të reagojë. Qoftë edhe kaq njerëz është gjë e mirë”, tha Curri.
