Lou Williams, basketbollist i Atlanta Hawks në NBA, njoftoi në vitin 2015 se ishte në një marrëdhënie me dy gra njëkohësisht.
Duke u munduar që të parandalonte kritikat dhe thashethemet mbi jetën e tij personale, në atë kohë ai i prezantoi publikisht partneret e tij.
Ndërsa sot, Williams ka treguar vështirësinë më të madhe që ka hasur me bigaminë.
“Mërzitem shumë kur njerëzit flasin kot. Kam dëgjuar të thonë edhe që ato janë motra. Është krejtësisht qesharake. Nuk mund të kontrolloj asgjë nga ato që thuhen dhe më vjen shumë inat. Ato janë nënat e fëmijëve të mi, nuk janë dy gra çfarëdo”, tha basketbollisti për “Bleacher Report”.
Lou Williams ka dy fëmijë me Ashley Henderson dhe një tjetër me Rece Mitchell.
