Alban Beqiri është mposhtur me vendim unanim përballë boksierit rus Vadim Musaev, në Botërorin e boksit që po zhvillohet në Serbi.
Boksieri shqiptar ia doli që të shkonte deri në gjysmëfinale ku për fat të keq u mund me pikë nga Musaev.
Gjithsesi, kjo mbetet një pjesëmarrje historike për boksierin kuqezi, i cili fitoi ndeshjet me radhë derisa arriti në gjysmëfinale ku edhe humbja të siguron medaljen e bronztë, e para në historinë e Shqipërisë në një aktivitet të këtyre përmasave.
Tashmë Musaev do të ndeshet në finalen e Botërorit të boksit me fituesin e çiftit, Zakharieiev-Aliyev.
