Një viktimë dhe 21 raste të reja me koronavirus u konfirmuan të Mërkurën në Kosovë.
Në raportin e saj ditor, Ministria e Shëndetësisë njoftoi se rastet e reja pozitive rezultuan nga 1,893 testime.
Në 24-orët u fundit u shëruan 16 pacientë, ndërsa raste aktive me koronavirus mbeten 445.
Kosova, në total, ka konfirmuar mbi 160,000 raste të të infektuarve dhe 2,978 viktima.
Fushata e vaksinimit ka nisur në fund të marsit dhe deri të martën janë vaksinuar plotësisht mbi 733,000 qytetarë.
Një ditë më herët, Ministria e Shëndetësisë e Kosovës ka miratuar edhe vaksinimin e fëmijëve të moshës 12 deri në 15 vjeç. Deri më tani, të gjithë personat mbi 16 vjeç kanë mundur të vaksinohen. Vaksinat që jepen në Kosovë janë: Pfizer/BioNTech dhe AstraZeneca.
