Gjykata e Apelit në Vlorë do të shqyrtojë sot kërkesën e ish-kreun e Kadastrës së Vlorës, Klodian Troci dhe dy bashkëtëpandehurve të tjerë për masë më të butë sigurie.
Troci së bashku me Bardhyl Gjikaj dhe Spiro Dunin ndodhen në arrest me burg. Të pandehurit nuk janë të pranishëm në sallën e gjyqit por përfaqësohen nga avokatët e tyre mbrojtës.
Troci kërkon masë më të butë sigurie me pretendimin se shumën prej 60 mijë eurosh e ka përfituar në mënyrë të ligjshme.
Për më tepër ai pretendon se provat që ju gjetën në banesën e tij i kishte marrë pasi la detyrën dhe nuk ishin aty për falsifikim dokumentash.
Teksa shprehet se në kujdestari ka edhe një djalë rë vogël për të cilin nuk ka kush të kujdeset.
Spiro Duni kërkon arrestin e shtëpisë për shkak të problemeve të shëndetit, edhe arresti në burg ju komunikua në spital. Sipas pretendimit të Dunit, ai nuk mund ta përballojë jetën ne qeli për shkak të problemeve shëndetësore.
Bardhyl Gjikaj, 63 vjeç kërkon masë sigurie më të butë për shkak të moshës.
Troci u arrestua me dyshimin se qëndronte në krye të një skemë të tjetërsimit të pronave shtet në bregdetin e Himarës dhe Dhërmiut.
Ish-kryeregjistruesi bashkëpunonte për vjedhjen e pronave me kreun e menaxhimit të tokës në Vlorë.
