Skenat e xhelozisë së Fifit kundrejt Granitit kanë qenë të shumta, edhe pse dyshja kanë vendosur të mbesin vetëm miq. Gjatë spektaklit të djeshëm Fifi zgjedh të sqarojë njëherë e mirë për banorët dhe publikun gjithë qendrimin e saj në këtë marrëdhënie.
“Kemi vendosur të jemi vetëm shok, por duhet ta kuptoni që unë në shoqëri jam shumë herë më xheloze sesa në një lidhje”– tha ajo.
Pjesë nga diskutimi:
Semi: Gjatë periudhës që Graniti dhe Fifi kanë diskutuar gjërat e veta, 3 javë nuk kam folur me Granitin për të mos e bërë Fifin të ndihet keq. Hera e parë që kam ndenjur vetëm me të kur isha tek dhoma e dënimit. Nuk mbaja mend asgjë kështu që kur u sqaruan, bëmë disa muhabete dhe fillova të kisha marrëdhënie normale si me Kledin, Donaldin, Sabin.
Fifi: Pikërisht këtë që nuk ke folur kur kam qenë unë e kur nuk kam qenë unë më ka bërë të dyshoj se është tendencioze. Kjo më bën të dyshoj se ka diçka. Nuk e kam diçka atë njeri.
Semi: Tani që e ke shok bëhesh xheloze.
Fifi: Po jam dhe e them.
Graniti: Unë e kam prekur që me Fifin jemi sqaruar. Është person që e kam përzemër, por kam shoqëri dhe me Semin. Këtu gjërat po keqkuptohen ndonjëherë. Ka prekje e përqafim dhe vjen deri tek situata e keqe. Nuk dua të bëj askënd të ndihet keq.
Më pëlqen të rri me të dyja dhe po rri, i dua shumë si shoqe dhe nuk e kam tepruar me asnjërën prej tyre. Nuk dua të mërzis asnjërën.
