Enkelejd Alibeaj, nënkryetar i PD dhe anëtar i Komisionit parlamentar të Ligjeve, e ka cilësuar sot si propagandë Ligji për bashkëqeverisjen.
Gjatë diskutimit të draftit, Alibeaj kërkoi shfuqizimin e disa neneve të projektligjit. Sipas demokratit ligji i hartuar shkakton konfuzion dhe është i padobishëm.
“Neni 4 të shfuqizohet, është i padobishëm. Në pikën një që ju thoni grup interesi, organizatë fitimprurëse që mbron interesat e një grupi, është tautologji, të thuash të njëjtën gjë. Ju po krijoni konfuzion në legjislacion, jo vetëm që është i padobishëm ky ligji i propagandës por krijon edhe probleme te ligjet e tjera”, u shpreh ai.
