Elvis Lushi, i njohur ndryshe si “Loco”, sot ishte i ftuar te “Ftesë në 5” dhe tregoi disa të pathëna në lidhje me jetën e tij private dhe familjare.
Prindërit asnjëherë nuk më kanë mësuar me telefon të shtrenjtë, deri në fund të gjimnazit dhe në krahasim me shokët e klasës thjesht kisha një telefon sa për të kryer funksionin si telefon, as kam pasur makinë të shtrenjtë, por ama i kishin të gjitha të ardhurat. Sigurisht unë ankohesha, sidomos në shkollë të lartë kur isha student, normalisht nuk kisha lekë dhe duhej të më ndihmonin ata.
Më çonin në shkollë me pak lekë me 2 mijë lekë deri në 5 mijë lekë të vjetra, për raste festash. Personalisht kisha në shkollë njerëz nga rrethina, të cilët kishin shumë më pak mundësi familjare se unë, por kishin më shumë lekë se unë.
E unë mendoja pse nuk më japin lekë dhe këtu ka lindur konflikti im i parë me ta.
Duke qenë se ndihesha inferior, pata debatin e parë dhe u largova nga shtëpia.
Mendoj gjithashtu se fëmijën duhet ta mësosh mos t’i paraqitesh tjetrit jo me gjërat materiale, por të ndihet i vlerësuar me atë që ishte. E kur u ndava nga familja kuptova se nuk ka rëndësi telefoni i mirë apo makina, por ajo që ti je” ,- tregoi ai.
