Ish-Kryeministri Sali Berisha deklaroi nga Foltorja e Kamzës se 35-40 % e shqiptarëve nuk e votojnë Partinë Demokratike, pasi ajo i tradhëtoi interesat e tyre.
Berisha tha se PD në këto 8 vite shkoi majtas dhe mori rrugën drejt greminës.
“E dini ju pse nuk votohet PD nga 35-40% e shqiptarëve? Sepse PD në këto 8 vjet tradhëtoi interesat e tyre, tradhëtoi vlerat dhe parimet e saj.
George Soros ndërmorri një sulm ndaj të djathtës shqiptare, Soros nuk është Amerika, është armiku i egër i vlerave të konservatorizmit, është armiku i Republikanëve amerikanë, që janv aleatët natyrorë të PD”, tha Berisha.
Ai premtoi se do të ndërtojë një parti konservatore me vlera dhe parime demokratike, si kurrë më parë. Berisha u shpreh se do të ringremë PD-në dhe do të rrëzojmë narko-shtetin e Edi Ramës.
