Një aksident raportohet të ketë ndodhur pak orë më parë, në Krujë.
Burimet policore bëjnë me dije se një automjet tip “Benz” është përplasur me një “Ford” dhe për pasojë është dëmtuar drejtuesja e këtij të fundit.
Mësohet se shoferja e dëmtuar është dërguar në spital, ku ndodhet nën kujdesin e mjekëve.
“Me datë 02.11.2021, rreth orës 17:45, në aksin rrugorë Fushë Krujë-Krujë është përplasur mjeti tip “Benz” me drejtues shtetasin A. B., me mjetin tip “Ford” me drejtuese shtetasen K. K., si pasojë është lënduar shtetësja K. K., e cila ndodhet nën kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave të aksidentit”, njofton policia
