Prokuroria e Përgjithshme i ka dërguar një informacion të shkurtër Ambasadës së Rusisë në Tiranë lidhur me vdekjen e 4 turistëve rusë në Qerret të Kavajës.
Sipas “A2CNN”, edhe pse hetuesit shqiptarë nuk kanë asnjë raport përfundimtarë lidhur me shkaqet e vdekjes, sërish kanë dorëzuara paraprakisht të gjitha informacionet e para.
Një pjesë e ekspertimeve kërkojnë dhe asistencën ndërkombëtare, ndërsa këtë javë pritet dhe përgjigjia e mostrave të ujit dhe klorit që janë dërguar jashtë për t’u inspektuar.
Ndërkohë në Institutin e Policisë Shkencore janë dërguar dy celularë të fikur, që janë dërguar drejt Izraelit për të parë komunikimet e fundit që kanë pasur turistët.
Dje, akuza refuzoi t’i jepte aktet ambasadës ruse, por sot ndërroi mendimin.
Kujtojmë se viktimat, Natalia Burenkova, 58 vjeçe, Sergei Burenkov, 60 vjeç, Nikita Belousov, 37 vjeç dhe Ekaterina Burenkova, 31 vjeçe u gjetën të pajetë natën e 15 tetorit në ambientet e brendshme të hotel ‘Gloria’ në Qerret.
Ata dyshohet se mund të kenë gjetur vdekjen për shkak të klorit të përdorur në pishinë. Por nuk përjashtohet as pista e një vrasjeje të mundshme.
