Pasditen e sotme, në urbanin e linjës “Institut” ka ndodhur një vjedhje, ndërsa të gjithë qytetarët janë bllokuar brenda derisa të mbërrinte policia në vendngjarje.
Lajmi në fjalë, është publikuar nga JOQ, ku bëhet me dije se një qytetareje i kishin vjedhur portofolin.
Sipas qytetares, një problem tjetër që u shtua në vijim ishte se uniformat blu nuk kishin me vete një oficere policie në mënyrë që të kontrollojë qytetaret femra. Kjo gjë, ka bërë që vendin e saj ta “zëvendësojë” qytetarja që i vodhën portofolin.
Mesazhi i qytetares:
Përshëndetje JOQ Albania. Ka ndodhur një vjedhje në urbanin e Institutit. I kanë vjedhur një vajze portofolin. Ajo goca ishte në mesin e urbanit dhe po paguante biletën, por pas 5 minutash vetëm filloi të thoshte shofer mos e hap derën. Telefonuam policinë erdhi dhe na la 20 minuta duke pritur të vijë një femër police. Ajo nuk erdhi dhe kontrollin e gocave e beri ajo vet që denoncoi vjedhjen. Kemi 1 orë e gjysmë këtu tek rruga që shkon për Don Bosko. Anonim ju lutem.
