Florian Marku, kampioni i titullit IBF në boks do të ketë takimin e radhë më 20 Nëntor. Kjo do të jetë përballja e parë për boksierin kuqezi që do të mbrojë titullin dhe vijimi i rrugëtimit për një titull më të madh ashtu siç ai e ka objektiv.
Jorick Luisetto do të jetë kundërshtari i radhës për Markun në mitikun “Wembley” dhe menjëherë boksieri kuqezi ka ndezur duelin duke i dhenë nj mesazh të fortë.
“Përshëndetje Jorick Luisetto, kam një mesazh për ju. Duhet të jeni i frikësuar, do ta shohësh më 20 nëntor çfarë luftëtari unë jam. Do të shohësh ‘bomba’ duke ardhur në kokën tuaj. Do të shohësh një ‘kafshë ndryshe”.
Je përballur me shumë kundërshtar në karrierën tuaj, por asnjë sikurse unë. Do ta shikosh”, përfundon video mesazhi i Florian Markut i cili kësaj radhe do ta ketë tê një vështirësie më të madhe duelin.
