Një ngjarje e rëndë raportohet të ketë ndodhur ditën e sotme në Vlorë, ku një burrë i ka vendosur flakën shtëpisë së vet.
Raportohet se shtetasi me iniciale I.P., i cili ishte në gjendje të dehur i vendosi flakën shtëpisë së tij në zonën e “Pusit të Mezinit”.
Për pasojë, edhe vetë shtetasi I.P. ka marrë djegie të shumta në trup dhe është dërguar menjëherë drejt spitalit për të marrë trajtimin mjekësor.
Ndërkohë mësohet se zjarrfikëset kanë bërë të mundur shuarjen e zjarrit, ndërsa grupi hetimor po punon për zbardhjen e rrethanave të ngjarjes.
