Një person ka humbur jetën dhe 4 të tjerë kanë mbetur të plagosur si pasojë e një aksidenti të ndodhur në aksin Qafë Thanë-Librazhd.
Aksidnti ka ndodhur në vendin e quajtur ‘Gurorja’, ku janë përplasur dy furgonë dhe fatkeqësisht njëri prej shoferëve ka humbur jetën.
Bëhet fjalë për 60-vjeçarin e identifikuar si Qani Beqo, i cili ka ndërruar jetë.
“Më datë 31.10.2021, rreth orës 14:35,në aksin rrugor Qafë Thanë-Librazhd, në vendin e quajtur “Guroja”, mjeti autobuz me drejtues shtetasin P.C., 55 vjeç, banues në Prrenjas është përplasur me mjetin furgon me drejtues shtetasin Q.B., rreth 60 vjeç, banues në Prrenjas.
Si pasojë e aksidentit ka humbur jetë drejtuesi i fugonit shtetasi Q.B., si dhe janë plagosur 4 shtetasit që ishin pasagjerë në mjetin autobuz dhe ndodhen jashtë rrezikut për jetën”, njoftoi policia.
Grupi hetimor ndodhet në vendngjarje dhe po punon për zbardhjen e shkakut të aksidentit.
