Ish-ministri i Drejtësisë, Ylli Manjani ka komentuar deklaratat e fundit të kryetarit të PD-së Lulzim Basha.
Manjani shprehet se Lulzim Basha është në të drejtën e tij të artikulojë cilëndo tezë politike që ka qejf. Së fundi, shhton ish-minidtri, po artikulon tezën se ai është e ardhmja dhe se Rama, Berisha e Meta, janë llum i së shkuarës. Sipas Manjanit, meriton të përgëzohet që më në fund po e thotë hapur atë që deri më sot e ka folur me veten.
“Mirëpo, që të meritojë mbështetje, duhet të na tregojë se sa përkrahje ka në parti dhe në publik. Se në parti, me mbështetjen dhe votat e Berishës nuk ka se si të ketë mbështetje anti-Berishë. Ndaj, nëse do që të jetë në politikë me këto teza që thotë duhet të na dëshmojë sa mbështetje ka. Dhe jo me fjalë, as me asistencë mediatike, por me vepra. Lulzim Basha duhet të tregojë se mbështetësit e tezave të tij, përfshi dhe ato neokomuniste, janë shumica e PD-së. Por përsa kohë ai refuzon të mbledhë forumet e partisë nga frika, bën dërr dërr kot.bNëse do t’i dalë përballë Berishës, i duhet t’ia marrë partinë me votë, jo me vulë! Të bëjë këtë njëherë pastaj të merret me Ramën, Metën e kë t’i dojë qejfi”, shkruan Manjani në një postim në rrjetet sociale.
“Hë për hë Luli është aty ku është ekskluzivisht për shkak të Berishës. Në 30 vite ‘llum tranzicioni, Luli ka 16 vite kontribut substancial. Është kaq e thjeshtë kjo punë”, shton ai.
