Pas 4 mbledhjesh miratohet me konsensus rregullorja e brendshme e komisionit hetimor për zgjedhjet e 25 prillit. Komisioni zgjodhi Klevis Xhoxhin si sekretar të tij, me propozim të socialistëve.
Tre mbeldhjet paraardhëse janë shoqëruar me debate të shumta mes opozitës dhe shumicës, sidomos për listën e personave që do të thërriten për të dëshmuar në këtë komision, ku deputetët e PD kërkojnë edhe praninë e kryeministrit Edi Rama.
Palët ranë dakord që mbledhjet e ardhshme të zhvillohen pas orës 17:00, duke qenë se deputetët do të jenë të ngarkuar me praninë edhe në komisionet e tjera ku do të diskutohet projektligji për buxhetin e vitit 2022.
