Deputeti i Partisë Demokratike, Luan Baçi, ka deklaruar se më 11 dhjetor do të jetë në Kuvendin Kombëtar të Partisë Demokratike, që u paralajmërua nga ish-kryeministri Sali Berisha.
Baçi tha se ai do të jetë bashkë me 500 delegatë të qytetit të Fierit të cilët e kanë firmosur formularin. Demokrati kërkoi ndjesë pasi tha se ka votuar edhe për gjëra që nuk i ka lexuar fare.
“Sigurisht që do të jem, do të jem me 500 delegatët e Fierit sepse kanë firmosur të gjithë formularin. Do të jem aty.
Unë doja të kërkoja dhe falje sepse në të vërtetë kemi votuar dhe për gjëra që nuk i kemi lexuar. Realisht në statut janë votuar gjëra që janë shumë të çuditshme, si për mua përshembull, kërkoj ndjesë. Më ka ardhur keq”, – tha Baçi, në emisionin “Pa Protokoll” në Report Tv.
