Një adoleshent që kishte vrarë dy motra në një park të Londrës është dënuar me 35 vite burgim nga një gjykatë britanike.
Danyal Hussein, 19 vjeç, vrau Bibaa Henry-n dhe Nicole Smallman-in në një sulm që besoi se do t’i shërbente si sakrificë për një djall të emëruar “mbreti madhështor Lucifuge Rofocale” për t’ia mundësuar fitimin e lotarisë, shkruan The Guardian.
Gjykatësja e rastit iu drejtua të akuzuarit me fjalët: “Ti i bëre këto sulme të egra. I bëre për të vrarë. E bërë për të holla dhe për një kërkim të devijuar të fuqisë. Ishte një sjellje e llogaritur dhe e qëllimshme, e planifikuar dhe e kryer me saktësi.”
Gjykatësja tha se nuk pati mundësi që të akuzuarin e shpallur fajtor ta dënonte me burgim të përjetshëm, sepse ai është nën moshën 21-vjeçare.
Vetë i akuzuari ka refuzuar që të ofrojë dëshmi në gjykimin e vet, duke pretenduar se nuk është përgjegjës për vrasjet ose për shkrimin e një pakti me djallin.
Kujtojme se dy motrat ishin duke vizituar parkun “Fryent”, më 6 qershor të vitit 2020 për te festuar ditëlindjen e njërës prej tyre, kur ishin vrarë nga sulmuesi.
Hussein-i e kishte therur njërën viktimë tetë herë, ndërsa tjetrën, e cila kishte luftuar, 28 herë. Për pasojë, sulmuesi kishte prerë dorën e vet me thikën 12-centimetërshe, shkruajne mediat e huaja. Më pas i kishte fshehur trupat në shkurre, ku ishin gjetur vetëm pas 36 orëve.
