Pas helmimit të qindra qytetarëe në Krujë nga uji i pijshëm, sot përmes një deklarate për mediat nëndrejtori i ISHP-së, Dritan Ulçinaku tha se është një epidemi e shkaktuar nag uji si rezultat i ndotjes së ujërave sipërfaqësore të shirave të rëna para pak ditësh dhe se përgjegjësia bie mbi ujësjellësin.
Ulçinaku tha se nëse do ishin treguar më të kujdesshëm kjo gjë mund të ishte parandaluar në kohë por tanimë situata është nën kontroll pasi rastet janë të moderuara dhe bakteri po reagon mirë ndaj dezifektantëve.
Kujtojmë se katër ditë më parë një fluks i madh qytetarësh u drejtua në spitalin e Krujës, me shenja helmimi.
ISHP: Situata sot është shumë e qetë, thuajse ka mbaruar cdo shqetësim në qendrën shëndetësore në Krujë.
Është epidemi hidrike, përgjegjësia i bie ujësjellësit, sepse duhet të ishin më të kujdesshëm.
Ka pasur një kontaminim që ka rezultuar ndotjen e ujit të pijshëm në ujësjellës. Po kemi të bëjmë më nje bakter i cili reagon shumë mirë ndaj dezifektantëve.
Garanci e bëjmë me monitorimin e situatës por ju them që nuk duhet supozuar, ka qenë një carje diku dhe duhet të vepronim më shpejt, nuk ka pasur raste të rënda, trajtimi është dhënë në kohë rekord. Janë gjëra që ndodhin, shpresojmë mos të përsëriten më.
