Kompozitori i njohur Flamur Shehu, 77 vjeç është në gjendje të rëndë në QSUT i infektuar me COVID-19.
Gjendja e tij është përkeqësuar dhe ai është shtruar në spital. Autori i mbi 500 këngëve ndodhet në terapi intensive në QSUT nën kujdesin e bluzave të bardha.
Fitues i çmimeve të para dhe të dyta në festivale, kompozitori Shehu mban titullin “Mjeshtër i Madh” për kontribut të shquar në fushën e muzikës e këngës së lehtë shqiptare dhe studimin e folklorit.
Ka dy çmime të para (një në Festivalet e RTSH, dhe një në Koncertet e Pranverës) dhe 17 çmime të para dhe të dyta të shtrira në kohë.
