Lucas Cardoso kalon me sukses operacionin. Gjithçka ka shkuar mirë me ndërhyrjen kirugjikale në supin e majtë të lojtarit të Partizanit. Lajmi është dhënë nga klubi i kuq, me anë të një postimi.
“Ka përfunduar me sukses ndërhyrja kirurgjikale në supin e majtë e Lukas Kardosos. Sulmuesi i kuq i cili u dëmtua në takimin ndaj Kukësit, i është nënshtruar sot operacionit. Pas luxacionit akromio klavikular të shkaktuar është ndërhyrë për riparimin e tij. Tashmë Kardoso do ti nënshtrohet një programi të veçantë rikuperimi i cili parashikon një periudhë kohore prej 6 javësh” shkruan klubi.
Për brazilianin është parashikuar një program special, me periudhën kohore të rikuperimit që mund të shkojë deri në 6 javë. Lojtari u dëmtua në takimin e luajtur ndaj Kukësit, me datën 17 tetor.Lucas ka luajtur 4 ndeshje këtë edicion me kryeqytetasit, por pa gjetur dot rrugën e rrjetës dhe pa dhënë dot assist.
