Teksa në Premier League një javë më parë, Newcastle dhe Tottenham ndërprenë ndeshjen për t’i ardhur në ndihmë një tifozi që ishte ndjerë keq, dhe që iu dha ndihma e shpejtë, një ngjarje e ngjashme ka ndodhur në Belgjikë por me fund tragjik.
Një tifoz i klubit belg Lierse të kategorisë së dytë humbi jetën të mërkurën pasi pësoi një atak në zemër gjatë minutave të fundit të një ndeshjeje të Kupës kundër Leuven që përfundoio 1-2.
Pasi iu bë një masazh kardiak në tribunat e stadiumit “Herman-Vanderpoorten”, dhe me lojën që ishte ndërprerë, 86-vjeçari, i quajtur Frans Van Parijs, vdiq më vonë atë mbrëmje në spital.
“Mbështetësi i zjarrtë” i Lierse “që në moshën 10-vjeçare”, ai e kishte ndjekur “gjatë të gjitha udhëtimeve të tij në Europë” dhe “në çdo kohë”, shkruajti klubi, i cili i bëri homazhe në faqen e tij tifozit që pati një fund tragjik.
