Vr*u me thikë rumunin pas sherrit në lokalin e natës, del para gjykatës 35-vjeçari shqiptar

Del para Gjykatës 35-vjeçari shqiptar, Erlin Hasa, i cili masakroi me thikë një rumun pas një sherri që nisi në një lokal nate dhe përfundoi jashtë në rrugë duke tmerruar dëshmitarët okularë.

Mediat angleze shkruajnë se viktima është  Marian Savu, 43 vjeç i cili u godit barbarisht me thikë plot 62 herë sipas prokurorisë nga shqiptari Erlin Hasa.

35-vjeçari i ka mohuar akuzat për vrasje, ndersa Deborah Gould QC, prokurore tha se në 2 Mars 2021 Hasa bashkë me katër miq kishin shkuar në Peerry House.

Njëri prej miqve të Hasës goditi rumunin  Marian Savu, por më përpara ata së bashku kishin konsumuar kokainë.

LEXO EDHE  Vendimet e blera të gjykatës nuk do të ndalin betejën kundër aferës kriminale të inceneratorëve

Një orë më pas shqiptari Hasa e sulmoi me thikë rumunin në pjesën e përparme të kraharorit. Marian Savu mundi të largohet por u rrëzua në tokë.

Në këtë moment Erlin Hasa ka vijuar ta godasë me thikë në mënyrë barbare. Autopsia nxori se Savu kishte marrë 62 goditje.

Prokurorja tha se Hasa nuk e ndaloi goditjen deri kur viktima dha shpirt. Hasa ka shkuar më pas në shtëpi për tu larë nga gjaku e ndërruar rrobat.

Policia duke ndjekur gjurmën e gjakut të viktimës shkoi në adresën Perry Villa Drive dhe shqiptari Erlin Hasa me gjak në rroba hapi derën. Procesi gjyqësor vijon.