Ministrja për Marrëdhëniet për Parlamentin, Elisa Spiropali deklaroi në komisionin e Ekonomisë se agjencia për monitorimin e administratës do të jetë në funksion të qytetarëve.
Ajo u shpreh se do të gjobiten institucionet në rast se nuk kthejnë përgjigje për shqetësimet e qytetarëve.
Lidhur me akuzat e opozitës për sistemin e patronazhimit, ajo tha se në kohë zgjedhjesh të gjitha partitë duhet ta kenë një listë të tillë, përndryshe sipas saj do të ishin si magazina pa inventarë.
Në kohë zgjedhjesh të gjitha partitë kanë një listë patronazhimi, ndryshe janë magazina pa inventarë që nuk dinë kush i voton”, u shpreh Spiropali.
