Qeveria ka vendosur se shuma që do të kërkohet borxh në tregun ndërkombëtar do të jetë 700 mln euro. Eurobondi do të dalë në treg në fillim të nëntorit, bëri me dije ministrja e Finacave dhe Ekonomisë Delina Ibrahimaj, pas mbledhjes së qeverisë.
“Janë miratuar dy projekteve vendime, një në lidhje me eurobondin dhe vlerën e tij që pritet të dilet në treg në fillim të Nëntorit me një vlerë prej 700 mln euro. Data nuk është vendosur ende. Do të dalim në treg në ditët më të përshtatmë ku do të jetë dhe norma e interesit më e përshtatshme. Projektvendimi i dytë ka të bëjë më nxitjen e punësimit, arsimit profesional dhe zhvillimit ekonomik të biznesit të vogël. Një grant nga Gjermania prej 1.25 mln euro synon zhvillimin e qëndrueshëm rajonal”, tha Delina Ibrahimaj.
