Një aksident ka ndodhur në Durrës këtë të Mërkurë, me një vajzë 23 vjeçe të plagosur rëndë.
Policia njoftoi se në orët e para të ditës së sotme, në aksin rrugor Plepa-Shkozet, duke drejtuar mjetin tip “Volkswagen”, 22-vjeçari me iniciale E.D. ka humbur kontrollin dhe është përplasur me bordurën e trafikndarëses.
Si pasojë e përplasjes është dëmtuar pasagjerja në mjet, shtetasja R.M., 23 vjeçe, banuese në Tiranë, e cila ndodhet nën kujdesin e mjekëve, në gjendje të rëndë shëndetësore.
Policia ka arrestuar drejtuesin e mjetit për veprën penale “Shkelja e rregullave të qarkullimit rrugor”.
