Fifi u ka treguar disa prej banorëve të “Big Brother VIP” se ka probleme me tiroiden. Në një bashkëbisedim me Sabianin dhe Monika Lubonjen, Fifi tha se ky problem i ndikon shpesh sjelljen duke e bërë nervoze dhe i sjell ankth. Fifi tregon se vuan prej tiroides që nga viti 2017 dhe kjo i ka ndikuar edhe në peshë sepse për 3 muaj ka shtuar 25 kg.
“Mora 25 kg për tre muaj. Nëna ime ka qarë kur më ka parë. Vetëm pas një viti më ka treguar që qante se isha shëndoshur”- tha Fifi
Ajo ka treguar edhe për dëmin që i shkaktonte vetes nga nervoziteti i sëmundjes.
“Me ankthin kam pas shumë probleme. Kam qënë e lidhur për herë të parë dhe ai ishte shumë xheloz. Unë fillova të bëhesha shumë toksike. Nervozohesha për gjënë më të vogël. Shkoja në shtëpi dhe godisja veten me tenxhere dhe tiganë”- ka treguar Fifi.
Fifi ka treguar se në fillim se dinte askush dhe shkonte takohej me një psikolog në Prishtinë, i cili ka dhënë qetësues, të cilët i ka përdorur për 6 muaj.
“Më dha Xanax dhe Diazepan. I piva për 6 muaj por hoqa derë se më jepnin vegime, shikoja haluçinacione. Një mike e mamit më pyeti çfarë po përdorja dhe kur i lexoi më tha t’i hiqja menjëherë“- tha Fifi.
