Pronari i një lokali të marrë me qera në Gjirokastër është vënë në pranga për veprën penale “Organizim i llotarive të palejuara”.
“Specialistët e Seksionit për Hetimin e Krimeve në Komisariatin e Policisë Gjirokastër, në bashkëpunim me Seksionin e Hetimit të Krimit Ekonomiko-Financiar, arrestuan në flagrancë shtetasin A. H., 32 vjeç, banues në Gjirokastër”, njoftoi policia.
“Shtetasi A.H. u arrestua pasi, në lagjen ‘18 Shtatori’ gjatë kontrollit të ushtruar në lokalin (bar-kafe) të marrë me qera nga ky shtetas, është gjetur dhe sekuestruar në cilësinë e provës materiale një aparat celular, ku dyshohet se përmbante faqe online të basteve sportive dhe nëpërmjet këtij aparati ushtronte veprimtarinë e lojërave të fatit në kundërshtim me ligjin”, shtuan të njëjtat burime.
