Një konflikt në familje mes një çifti në kryeqytet, ka përfunduar me një grua e cila është hedhur nga lartësia e banesës.
Policia njoftoi këtë të Martë, se gruaja, për ti shpëtuar dhunës së të shoqit, është hedhur nga kati i dytë i banesës në zonën e Medresesë dhe ka përfunduar në spital. Bashkëshorti është vënë në pranga.
“Specialistët për Hetimin e Krimit në Komisariatin e Policisë Nr.4 bënë arrestimin në flagrancë të shtetasit E. M., 33 vjeç, pasi në rrugën ‘Memo Meto’, në banesë, ka ushtruar dhunë fizike ndaj bashkëshortes, e cila është ndjerë e frikësuar dhe është hedhur nga kati i dytë i banesës. Aktualisht kjo shtetase ndodhet në spital, nën kujdesin e mjekëve”, thuhet në njoftimin e policisë së Tiranës për ngjarjen.
