Autoritetet kineze kanë urdhëruar bllokimin e Lanzhou, një qytet me 4 milionë banorë, për shkak të Covid-19. Banorët u ndaluan të dilnin nga shtëpia përveç rasteve urgjente.
Zyrtarët e qytetit, në një deklaratë, paralajmëruan se hyrja dhe dalja e banorëve do të kontrollohet rreptësisht dhe do të kufizohet duke u bërë thirrje të gjithë banorëve që të ndjekin me përpikëri rregullat.
Zyrtarët shëndetësorë kanë paralajmëruar gjithashtu se mund të shfaqen më shumë infeksione në ditët në vijim, pasi testet do të shtohen si një masë e mëtejshme për të luftuar përhapjen e infeksionit.
