Humbjet në derbi zakonisht sjellin ndryshime në radhët e klubeve të kryeqytetit dhe asgjë nuk çudit pas një ndeshje të tillë. Por ajo që ka filluar të qarkullojë në orët e fundit është një hipotezë e bujshme për klubin e Partizanit.
Sipas “Procesi Sportiv”, pozitat e Ilir Dajës po lëkundën dhe tashmë ka një kandidat për pankinën e të kuqve në rast largimi. Bëhet fjalë për ish-trajnerin e Tiranës, brazilianin Ze Maria, i cili përveç të tjerave ishte edhe i pranishëm në këtë derbi, duke e ndjekur si një tifoz bardhebluve me të cilët është shumë i lidhur.
Gjithçka mbetet në kuadrin e thashethemeve, por lëvizjet pas një derbi nuk përjashtohen asnjëherë, pasi të dy skuadrat e kryeqytetit kanë njohur të tilla pas humbjeve edhe më pak shqetësuese se ajo e Partizanit sot që e la 10 pikë larg kreut të renditjes.
