Tensioni nuk mund të mungonte në derbi, por kësaj here nga tribunat ku protagonist bëheshin tifozët kaloi në fushën e lojës, ku stafetën e morën lojtarët.
Pak para se gjyqtari Eldorjan Hamitaj të akordonte 11-metërshin për bardheblutë, në mesfushë ndodhi një episod që çoi në një kaos total.
Protagonist u bë sulmuesi i Partizanit, Zhunior dhe mbrojtësi i bardhebluve Behiratçe. Braziliani ndërhyri keq ndaj Behiratçës gjë që solli acarimin e këtij të fundit. Por ky ishte momenti kur lojtarë të dyja ekipeve u përfshinë në një sherr që u çoi në ndërhyrjen dhe të vetë gjyqtarit Hamiti.
Në video shikohet se si në momentin e përplasjes së lojtarëve, nga tribuna qëllohet me shishe duke përsëritur dhe një herë skenat e shëmtuara të Shqipëri-Poloni.
