Dalin detaje të reja nga grabitja e dhunshme ndaj biznesmenit Namik Çangut në Nikël të Fushe-Krujës për të cilin thuhet se është përfshirë edhe herë të tjera në ngjarje kriminale. Së fundmi gazetarja e Dorjana Bezat tha se një ngjarje e 9 viteve më parë është lidhur me fajdet që Namiku jepte, ngjarje nga e cila humbën jetën 2 vëllezër.
“Ka diçka të vërtetë. Ai e ka pranuar që jep para me fajde me një normë interesi. Kjo ka qenë edhe pista e parë hetimore e policisë. Pavarësisht se familja Çangu është dëmtuar ajo është përmendur disa herë dhe është përfshirë në ngjarje kriminale. Përmendim një vrasje të 2 vëllezërve në 2012 në zonën e Tiranës së Re. Njëri nga vëllezit kishte marrë lekë borxh nga Namik Çangu. Namiku i kërkonte lekët borxh dhe ky presion solli që dy vëllezërit të vriteshin. Vetë ai nuk jep emra të borxhlinj. Kasaforta është gjetur e zbrazët. Flitet për para por mes dëshmisë së familjarëve thuhet se janë marrë edhe dokumenta me vlerë. Kam shkuar në banesën e tyre sot në mëngjes. Ata nxorën pretendimin se gjendja e tij ishte përkeqësuar. Ai është tërhequr nga pretendimi se në dhomë ka pasur 10 persona”, tha ajo.
Siç mëson gazetarja, biznesmeni Çangu iu ka dhënë policëve identiktin e autorëve, duke zbuluar disa tipare të tyre.
“Flitet për pesona rreth 35 vjeç, trupa të rregullt, të gjatë mbi 70 cm, me dialekt verior”, u shpreh gazetarja”, përfundoi ajo.
