Detaje të reja kanë dalë në dritë nga grabitja e Nazmi Çangut, ditën e shtunë në Fushë-Krujë.
E ftuar në emisionin Open, gazetarja, Anila Hoxha, zbulon se biznesmeni, është monitoruar 4 ditë, para sesa të grabitej dhe dhunohej.
Sipas gazetares, grabitësit kur kanë hapur kasafortën nuk janë fokusuar tek paratë, por tek disa dokumente, ndërsa dyshohet se biznesmeni jepte para me fajde.
“E kanë monitoruar “viktimën” 4 ditë para se të bënin grabitjen. E kanë ndjekur me një automjet. Fillimisht grabitësit kanë ndërhyrë në kasafortë jo për të marrë para, por dokumente. Dyshohet se kemi të bëjmë me grabitje për çështje të fajdeve. Ky shtetas përmendet në një çështje tjetër, çështja Shullazi, edhe pse ka këmbëngulur se nuk ka asnjë konflikt me Shullazin apo ndonjë tjetër”
“Policia shpreson se një kapele e gjetur në pjesën të vilës mund të zbulojë edhe autorët. Rezulton se target e automjetit janë të vjedhura në një resort shumë të njohur në Tiranë, po ashtu e vjedhur është edhe makina”, tha gazetarja.
Ndër të tjera zbulohet githashtu se njërin nga personat Nazmi Çangu e ka kafshuar. Gjurmët e gjaklut janë provë shumë e rëndësishme për hetim.
