Biznesmeni Nazmi Çangu ka rrëfyer momentet e tmerrit kur njv grup grabitësish i hynë në banesë dhe i morën një shumv të konsiderueshme parash dhe bizhuterish.
Sipas rrëfimit të biznesmenit, shuma e grabitur mund të shkojë në 100 mijë euro. Çangu shprehet se grabitja u shoqërua me dhunë të vazhdueshme ndaj tij, pasi grabitësit donin çelësin e kasafortës.
“Automatikun ma vendosën në kokë, më shtypën tre veta. Kam punuar në Krujë, Kavajë, Rinas, Kamëz. Kam bërë edhe një kërkesë leje arme para 8-9 muajsh për të mbajtur pistoletë dhe ka 8-9 muaj që nuk më kthejnë përgjigje për armën e vogël. Dhe kjo dyshoj.. Dy i kam, një shotgun dhe një çifte, i morën grabitësit mbrëmë”, rrëfen biznesmeni, i cili vite më parë ka qenë polic.
Më pas ai tregoi si i morën lekët duke i çmontuar kasafortën.
“Në një qese pata lënë nja 8 mijë euro 20-çe. Ranë çelësat dhe i kapën dhe i thanë njëri tjetrit “i gjetëm çelësat” dhe u turrën te kasaforta, e sakatuan, morën cfarë gjetën brenda. Kisha dollarë kanadezë, euro, lekë, nuk di më shumë dhe vlerën fikse se jam në biznes. Kam lokale, bujqësi, pemëtore me ullinj.
Deri në 2007 isha në polici të shtetit më pas ika në drejtorinë e mjedisit në Durrës dhe më pas më hoqën, jo i PS-së, jo i LSI-së dhe kam parë punën time. Ne na kanë quajtur si të djathtë, por besim nuk kam as te të djathtët, as te të majtët. Nuk kam punë me asnjë”, tha ai për abcnews.
Grabitësit nuk ka arritur që t’i dallojë, por shprehet se Policia mund ti gjejë për 48 orë nëse do.
“Zëri ishte melodios”, shprehet ai.
Por ai ka edhe një paralajmërim kur shprehet “ne jemi 7-8 vëllezër këtu, besoj se po t’i dalim, ishalla del, por edhe po nuk doli unë nuk do ta fal gjakun pa vdekur”, shprehet Nazmi Çangu.
