Serie A/ Ismajli shkakton autogol, por Empoli i shqiptarëve merr fitoren e radhës

Empoli i shqiptarëve fiton përsëri dhe tashmë e sheh veten momentalisht mes 10 ekipeve më të mira në Serinë A. Skuadra e ngjitur nga Seria B, siguroi një fitore të rëndësishme 4-2 në transfertë për të marrë pikë të rënda në luftën për mbijetesën në Serinë A që është objektivi i ekipit.

Ismajli ishte titullar në këtë sfidë, ndërsa në pjesën e dytë të duelit në fushë ishte edhe Bajrami, me mbrojtësin i cili u bë protagonist ashtu siç nuk do të dëshironte.

Pinamonti dhe Kutrone i dhanë një avantazh të dyfishtë Empolit në pjesën e parë duke bërë të qartë se cila do të ishte rrjedha e ndeshjes. Autogoli i Strandberg dhe pastaj penalltia e Pinamontit, i cili ekzekutoi me “panenka”, bëri që pjesa e parë të mbyllej me shfirat 4-0 për Empolin.

LEXO EDHE  Milan mbylli sezonin në Europë, ja shifra e majme që kuqezinjtë përfituan

Ranieri shënoi golin e parë për Salernitanën në pjesën e dytë e pastaj një gjuajtje e Kastanos u kthye nga shtylla, u përplas të Ismajli e përfundoi në rrjetë. Megjithatë, kjo ishte e vetmja shkëndijë e Salernitanës, pasi Empoli u mbrojt me kujdes në minutat e mbetura, për të siguruar tre pikët e radhës në një kampionat i cili në start duket se do të jetë i qetë për ekipin e futbollistëve shqiptarë.