Ambasadorja amerikane Yuri Kim mbështet propozimin e PS-së për zgjatjen e mandatit të anëtarëve të Komisionit të Pavarur të Kualifikimit, që kryen rivlerësimin e gjyqtarëve dhe prokurorëve.
“Takova sot ambasadorin e OSBE, Vincenzo Del Monaco, për të diskutuar një sërë çështjesh. Ne jemi dakord që, në përputhje me rekomandimin e IMO -së, Parlamenti duhet të kalojë reformën kushtetuese për të zgjatur mandatin e vettingut. Gjithashtu pajtohen që autoritetet dhe palët duhet të veprojnë sipas rekomandimeve të OSCE/ODIHR mbi zgjedhjet”, shkruan Yuri Kim, në një postim në Twitter.
Lidhur me cështjen foli dje dhe kryetari i PD-së Lulzim Basha, cili tha se në fillim duhet bërë një analizë e punës së Komisionit të Pavarur të Kualifikimit dhe më pas të vendoset se çfarë do të bëhet.
