Gazetari Klodian Tomorri ka komentuar intervistën e prokurorit Sokol Stojani dhënë për BIRN lidhur me dënimin e krimeve të komunizimit.
Stojani ka deklaruar se nuk ka vend për të kryer hetime për këto krime, pasi për to është shprehur drejtësia e asaj kohe.
Ndërkohë Tomorri deklaron se e sheh këtë intervistë si të pavërtetë dhe tepër të pështirë. Tomorri e konsideron këtë intervistë një vrasje të dytë për viktimat e komunizmit.
Reagimi nga Klodian Tomorri
Lexova intervisten e nje prokurori sot, i cili thote se prokuroria nuk mund te hetoje krimet e komunizmit pasi autoritetet e atehershme thjesht kane zbatuar ligjet e kohes. Pervecse e pavertete, kjo eshte edhe e peshtire. Shume nga kriminelet e asaj kohe kane qene aq te etur per gjak saqe kane tejkaluar edhe ligjet kriminale te regjimit komunist. Dhe ka me mijera raste.
Ne gusht te vitit 1989, kur regjimi ishte ne grahmat e tij te fundit, dy te rinj nga Barbullushi i Shkodres tentuan te arratisen permes pikes se Dajcit, por u diktuan. Patrulla i ekzekutoi ne kufi dhe pas ekzekutimit, trupat e tyre u shetiten te lidhur me tela me gjemba per nje dite te tere ne qytetin e Shkodres dhe fshatrat perreth.
Ne cilin ligj, ne cilin nen parashikohej qe kufomat mund te perdhoseshin ne ate fare menyre? Nuk ka patur nje ligj te tille as regjimi kriminal i Enver Hoxhes dhe as regjimet me barabare qe jane instaluar ndonjehere mbi toke. Ata qe e kane bere kane qene monstra te etura per gjak dhe kriminele te zellshem te nje pushteti kriminal.
A mund te thote prokuroria se si ka mundesi, qe askush nuk tentoi te hape letrat? Kush ishin ushtaret ne sherbim ate dite? Kush ishte oficeri i patrulles apo komandanti i postes? Kush e dha urdherin per t’i terhequr zvarre kufomat e dy djemve te rinj neper qytetin e Shkodres? Askush nuk e ka marre mundimin te pyese e jo me te hetoje.
Ky eshte vetem nje rast. Por ka me dhjetra e ndoshta qindra te tille. Por faji nuk eshte as i ketij prokurorit dhe i asnje prokurori tjeter. Pergjegjegjesia per kete eshte e atyre qe kane qeverisur. Se per turpin e tyre nuk ngriten nje njesi speciale per te hetuar krimet e komunizmit. Ndaj kriminelet e regjimit, qe kane lene jetim me mijera femije dhe kane thare zemrat e kushedi sa nenave ose kane vdekur te padenuar ose jetojne te pashqetesuar. Kjo eshte vrasja per here te dyte e viktimave te komunizmit.
