“Arena Egnatia” në Rrogozhinë është kthyer në shpëtimin e Superligës. Impianti që pak javë më parë u inaugurua, ka pritur veç Egnatias edhe Teutën dhe Kukësin, me skuadrat që kanë gjetur një shtëpi në impiantin e ri.
I ndërtuar në kohë rekord, në Rrogozhinë nuk janë ndalur me kaq, duke kompletuar stadiumin edhe me ulëse. Jeshile dhe të bardha si ngjyrat e skuadrës së tyre, tanimë Egnatia ka një shtëpi të denjë për në Superligë.
Skuadra e Maganit duket se është motivuar nga stadiumi i ri dhe ka bërë paraqitje të mira në elitë në javët e para. Këtë javë veç skuadrës rrogozhinase, miq do jenë edhe Kukësi e Vllaznia që duelin mes tyre do e zhvillojnë në këtë stadium./Newsport.al
Video Player
00:00
00:00
