Europa League/ Ernest Muçi dhe Legia dorëzohen para Napolit, fitojnë Lyoni dhe West Ham

Napoli, Ernest Muci, Legia

Napoli nuk e pati të lehtë për të marrë fitoren e parë në Europa League. Në “Maradona Stadium”, të kaltërit që po dominojnë Serinë A vetëm me fitore morën 3 pikë falë suksesit 3-0 ndaj Legias së Varshavës e cila është dhe e para e Grupit C ku titullar ishte sulmuesi shqiptar, Ernest Muçi.

70’ minuta luajti lojtari kuqezi dhe pas daljes së tij në minutën e 70’, Napoli arrin të shënojë 3 herë me Insigne dhe Osimhen me Politano, të ardhur nga stoli. Me këtë sukses, Napoli merr vendin e dytë me pike të barabarta, 4 po aq sa Leicester.

LEXO EDHE  Champions/ Barcelona përballë “makthit” Bayern Munich, ja si rreshtohen skuadrat

Në Grupin A, Lyoni mori një fitore spektakolare me përmbysje 4-2 në transfertën me Sparta Pragën. Shaqiri ishte titullar për francezët por golat i shënuan, Ekambi, Aouar dhe Paqueta. Po në këtë Grup, Rangers mori fitoren e parë me rezultatin e pastër 2-0 ndaj Brondby në Gllasgow.

Në Grupin H, West Ham kryeson me pike të plota falë suksesit të tretë radhazi, ku mundi 3-0 Genk. Në Grupin B Monaco mori kryesimin falë një fitoreje të rëndësishme 2-1 në transfertën me PSV teksa Sociedad ngjitet i dyti me fitoren 1-0 në transfertën me Graz.