A jeni dakort të bashkëpunoni me PD e drejtuar nga Berisha? Soreca: Po…

Ambasadori i Bashkimit Europian në Tiranë, Luigi Soreca, ndoshta ka befasuar me deklaratën e tij, kur tha se do të ketë një bashkëpunim me PD-në edhe në rast se drejtohet nga Sali Berisha, i cili është shpallur “non grata” nga Departamenti amerikan i Shtetit.

I pyetur nëse Bashkimi Europian është i gatshëm të bashkëpunojë me PD-në, edhe nëse në kryer rikthehet Sali Berisha, i shpallur ‘non grata’ nga DASH, Soreca tha se “ne kemi bashkëpunuar me këdo dhe kurdo, jemi gati për bashkëpunim me këdo në çdo rast”.

Ky është reagimi i parë që vjen nga një ambasador nga momenti kur Berisha ka nisur turin e takimeve me bazën e demokratëve, ku nuk ka përjashtuar mundësinë e marrjes së drejtimit të PD-së, edhe pse ka deklaruar se gjithçka do e vendosi anëtarësia e kësaj partie.

LEXO EDHE  Shifra të frikshme/ 3212 aksidente nga janari deri në nëntor të këtij viti, 165 jetë të humbura